شەفەق نیوز/ سەرچەوەیگ ئەمنی لە پارێزگای سەڵاحەدین، ئمڕوو پەنجشەممە، خەوەردا لە کوشیان و زەخمداری ٩ کەس وە مرافەیگ نزیک سایلۆی دان لە قەزای عەلەم خوەرهەڵات شار تکریت لە پارێزگای سەڵاحەدین.
ئەفسەریگ پولیس ئەرا ئاژانس شەفەق نیوز وت: مرافەیگ لە بنکەی وەرگردن زرات (سایلۆ)ی عەلەم خوەرهەڵات تکریت بویە هوکار قەرەباڵغی بارهەڵگرەیل و دەمەقاڵ و وەردەوەردە ناوبەین رانندەیل و یەکیگ لە کراکارەیل رەسیە جەنگ وە کوتەک ئیجا کابرایگ وەچەک کلاشینکۆف تەقەکردن و بویە هوکار کوشیان کەسیگ و زەخمداری ٨ کەس ئەرا خەسەخانەی تکریت بریان.
وتیش: دەزگایل ئەمنی کەفتنەسە شوین کابرای تەقەکەر تا دەسگیری بکەن، و تەقەلای هووزانە ئەرا کپەوکردن ئەو قەیرانە وەردەوامە ک رەسیەسە هەڕەشەی کوشتن ناوبەینیان.