شەفەق نیوز/ پۆلیس پارێزگای واست، ئمڕوو چوارشەممە، خەوەردا لە کوشیان ژنیگ و زەخمداری ئەندامەیل خیزانەگەی لە پەلاماریگ چەکداری لە قەزای نوعمانیە.
پۆلیس ئمڕوو لە بەیاننامیگ باسکرد، دوان لە تاوانبارەیل دەسگیر کریانە و دەسنریایە وەبان چەکەیلیان لە جۊر کلاشینکۆف ک تاوانەگە وەپی ئەنجام دانە.
لە بەیاننامەگە وتیش، تا ئیسە لێکۆڵینەوە وەردەوامە ئەرا دەسگیرکردن سەرجەم تاوانبارەیل ریکارەیل یاسایی وەرانوەریان جیوەجی کریەێد ئەرا دادوەر کلکریەن تا سزای گونجایگ وەربگرن. هۊردەکاری رۊداوەگە لە بەیاننامەگە باس نەکریایە.