شەفەق نیوز/ سەرچەوەیگ ئەمنی وەرپرس، ئمڕوو شەممە، خەوەردا لە کوشتن کەسیک و زەخمداربوین کەسەیلیگ تر لە مرافەیگ هووزانە لە شار سەدر لە بەغداد.
سەرچەوەگە ئەرا ئاژانس شەفەق نیوز وت: مرافەیگ هووزانە لە قەتاع ٣٨ لە شار سەدر قومیا، و رەسیە وەکارهاوردن چەک سووک و ناوڕاس.
وەگورەی سەرچەوەگە، رووداوەکە بویە هووکار کوشتن یەک کەس و زەخمداربوین سێیان تر و هەمیش زەردەیلیگ رەسانە چەن ماڵیگ.