شەفەق نیوز/ سەرچەوەیلیگ ئەمنی، ئمڕوو شەممە، خەوەردان لە کوشیان یەک کەس و زەخمداری دووان تر لە رووداوەیل و ناوچەیلیگ جیاجیا لە بەغداد پایتەخت.

سەرچەوەیلە ئەرا ئاژانس شەفەق نیوز وتن: کابرایگ دارتاشی کار کەێد کەفتە وەر تەقەکردن لەلایەن نادیاریگ لە نزیک ماڵەکەی لە ناوچەی بەغداد جدیدە، و دارتاشەگە زەخمدار بوی.

سەرچەوەیلە وتنیش: لە مرافەیگ رەسیە چەقوکاری لە ناوچەی جسر دیالەی کۆن یەک کەس کوشیا.

سەرچەوەیلە باس کردن ک مرافەیگ کەفتە ناونی چەن کەسیگ لە هووز بیزان و بڕیگ لە هووز مەیاح لەوەر گرفتەیل کۆنەیگ  لەناو ئاهەنگ سویریگ  لە ناوچەی شار سەدر  رەسیە تەقەکردن و گولەیگ لەلیان زەخمدار رانندەیگ توک توک لەوەخت رەدبوینی کرد، و هەردوگ لایەنەگە وەرەو شوین نادیاریگ واین.

سەرچەوەیلە وتنیش؛ چەن کەسیگ چەکدار چگنە ناو ماڵیگ لە حەی ئووڕ لە بەغداد، و پویل و تەڵای فرەیگ لەو ماڵە ک ئەو مەوقە چووڵ بوی دزیکردن و واین.