شەفەق نيوز/ وەڕێوبەرایەتی وەرگری مەدەنی، ئمڕوو شەممە، راگەیان کوشیان یەک کارمەن و زەخمداری پەنج تر لە رمانن بەنزینخانەیگ لە مەوقەی دروسکردنی لە پارێزگای دیالە.

وەڕێوبەرایەتیەگە لە بەیاننامەیگ رەسیە ئاژانس شەفەق نیوز وت: مەفرەزەیل قورتارکردن لە سەنتەر جدیەدەت شەت لە وەڕێوبەرایەتی وەرگری مەدەنی لە پارێزگای دیالە پەنج کارمەن رزگار کردن و تەرم کارمەنیگ تر دەرکردن، دویای رمانن یەکیگ لە بەنزینخانەیل لەمەوقەی بیناکردنی لە ئاوای عەرەب برغش لە خود ناحیەگە.

بەیاننامەگە وتیش؛ زەخمدارەیل لە ژیر رمایەگە دەرکردن و وەرەو خەسەخانە بریان، و تەرم مردیەگە وەرەو پزشک دادوەری بریا.