شەفەق نیوز/ سەرچەوەیگ ئەمنی لە میسان،  ئیوارەی ئمڕوو دووشەممە،  خەوەردا لە کوشیان یەک کەس و زەخمداری سێیان تر، وەگەرد زەرەدەیلیگ دارایی رەسیە ماڵیگ لەوەر مرافەیگ هووزانە لەباشوور پارێزگاگە.  

سەرچەوەگە ئەرا ئاژانس شەفەق نیوز وت: مرافەیگ کەفتە ناوبەین دوو هووز لە قەزای قەلعەت ساڵح لە میسان،  بۊێە هووکار کوشیان یەک کەس، و زەخمداری سێ کەس تر، و ئاگرداین ماڵیگ، و هیمان مرافەگە وەردەوامە.  

وتیش: هێزیگ ئەمنی رۊی وەرەو شۊن مرافەگە کرد تا تەقەلای کپەوکردنی بیەێد و تاوانکارەیلە دەسگیر بکەێد، و هەمیش تەرم کوشیایەگە وەرەو فەرمانگەی پزشک دادوەری برد، و زەخمدارەیلە رەسانە خەسەخانە.