شەفەق نیوز/ وەڕێەوبەرایەتی هاتوچو گشتی، ئمڕوو چوارشەممە، ئاماریگ وە رویداوەیل هاتوچو لە چەن ناوچەیگ لە عراق لە ماوەی ٢٤ سەعات گوزەشتە راگەیان، وتیش؛ شەش رویداو بوینەسە هووکار پەنج مردن و هەیشت زەخمداری.

وەڕێەوبەرایەتیەگە لە بەیاننامەیگ رەسیە ئاژانس شەفەق نیوز وت: رویداویگ لەیەکدان لە پارێزگای زیقار، ناوبەین ماشینیگ تایبەت مارکەی تۆیۆتا کراون و ماشینیگ بارهەڵگر، لەوەر رۆنگساید و تونی زیای، بویە هووکار کوشیان چوار کەس.

وتیش: رویدویگ ناوبەین دوو ماشین لە پارێزگای بابل، ناوبەین ماشینیگ بارهەڵگر و ماشینیگ تایبەت لەوەر تونی رانین و نا وریایی،  بویە هووکار کوشیان یەک کەس.

وەڕێەوبەرایەتیەگە وتیش: رویداویگ لەیەکدان لەبان ری عمارە-کەحلا ناوبەین ماشینیگ مارکەی کەیا سۆرنتو و ماتوورسکڵیگ (توک توک) لەوەر ئۆتیرین هەڵە بویە هووکار کوشیان یەک کەس.

دیاری کرد ک رویداویگ پلیان ماشینیگ تۆیۆتا پیکاب لە پارێزگای میسان لەبان ری عەمارە- کەحلا بویە هووکار زەخمداری کەسیگ.

هاتوچو گشتی وتیش: رویداویگ لەیەکدان لە پارێزگای میسان لەبان ری عمارە- قەزای مشەرەح ناوبەین تراکتۆریگ و ماشینیگ مارکەی سایبا بویە هووکار زەخمداری کەسیگ.