شەفەق نیوز/ سەرچەوەیگ ئەمنی لە پارێزگای سەڵاحەدین، ئمڕوو چوارشەممە، خەوەردا لە کوشیان و زەخمداری ٧ مەدەنی لە رووداویگ لەبان ری تکریت - کەرکوک.
سەرچەوەگە ئەرا ئاژانس شەفەق نیوز وت: دوو مەدەنی مردن و پەنج تر زەخمدار بوین، لەوەر لەیەکداین و قەڵبەوبوین ٣ ماشین لەبان ری تکریت- کەرکوک، و دیاری کرد ک رووداوەگە لەوەر تاسەیک لەبان رییەگە بویە ک یەکیگ لە ماشینەیل دیاریی نەکرد.
وتیش؛ تیمەیل فریاکەفتن و وەرگری شارستانی قوربانی و زەخمدارەیل رەسانە پزشک دادوەری و خەسەخانە.