سەرچەوەگە وە ئاژانس شەفەق نیوز وت، "مەرافەی تونیگ کە هووکارەگەی نەزانریایە رەسیەس ئەرا وەکارهاوردن چەک سووک لەناوچەی هور رەجەب سەر وە دەورەگە لە ئەنجام کەسیگ کوشیا و کەسیگ ترەک زەخمداربوی".

سەرچەوەگە دیاریکرد، "زانیاری رەسیە کەسەیلیگ مەرافەی هووزانە دروس کردنە لە ناوچەی دەوانم کشاوەرزی لە شوعلە باکوور بەغدا،  دەسوەجی  دەورەیل پۆلیسروی کردنەس شوین رویداوەگە دەورەی شوینەگە دانە و دوین سێ کەس وەبان  2 ماتۆرسکیلتەقە لەماڵ کەسیگ کەن کە پیشەی ئەفسەرە وە پلەی نەقیب لە فەرمانگەی ئەمن دەروازەیل و فرۆکەخانەیل.

وتیش "تیمیگ کارکردن دروسکریاس ئەرا زانین ماڵ پەلاماردەرەیل و وشکنین ماڵیان، مەوقەی وشکنین ماڵ یەکیگیان نارنجەک و چەقوو وەکارهاوردیە و  دەسدرویژی وەبان  هێزەیل گەمارۆدەر کردیە و لەومەوقە  یەکیگ لە ئەندامەیل زەخمدار توومەتبارەگە کەێد لە پشتی و دەسگیرکرێد،  کە شمارەیان 4 کەسن و مادەیگ وەپیان گیریایە  کە جویر مادەی هووشبەرە نزیکەی  ( 250) گرامە وەرد عدد (2) تەرازوو".

هەمیش، قسەکەر وەزارەت ناوخوەی و شانەی راگەیان ئەمنی عەمید موقداد میری، راگەیان توومەتباریگ وە توومەت مادەی 4 تیرۆر دەسگیرکریایە کە ناسریاگە وە دەگەی هووزانە لەناوچەی سەدر خوەرهەڵات بەغدای پایتەخت، رێکارەیل یاسایی پێویست ئەرای گیریایە.