شەفەق نیوز/ سەرچەوەیگ ئەمنی وەرپرس،  ئمڕوو پەنجشەممە،  خەوەردا لە کوشیان کەسیگ و زەخمداری یەکیگ تر هەنای نەناسریایلیگ لە خوەرئاوای بەغداد تەقە لەلیان کردن.

سەرچەوەگە ئەرا ئاژانس شەفەق نیوز وت/ چەکدارەیلیگ نەناسریاگ تەقە وەرەو دوو ئاموزا لە حەی تارق لە شار سەدر کردن،  ک بۊیە هووکار کوشیان یەکیگیان ک هالە حەشد شەعبی، و زەخمداری سەختیگ وەئەوەکەی تر.

وەگورەی سەرچەوەگە، هووکارەیل رووداوەگە لەوەر ململانەی هووزانە بۆیە.

لە رووداویگ تر، هێزی ئەمنی لە پۆلیس ئاوی تەرم گەنجیگ خنکیاگ نەناسریاگ لەناو پڕۆژەی قەنات دراورد، و تەرمەگە وەرەو پزشک دادوەری.