شەفەق نيوز- زیقار 

سەرچەوەیگ ئەمنی، ئمڕوو دووشەممە، نەوەینا لە کوشیان و زەخمداری 8 کەس لە ئەنجام رویداویگ هاتوچو دڵتەزن لە باشوور شار ناسریە ناوەند پارێزگای زیقار.

سەرچەوەگە ئەرا ئاژانس شەفەق نیوز وت: رویداویگ هاتوچو لەبان ری گشتی ناوین زیقار و بەسرە لە ناوچەی تەللەحم، لەناوەین ترێلەی بارهەڵگر و پاسیگ ستاریکس، بویە هوکار کوشیان 3 کەس وەکوتپڕ و زەخمداری 5 کەس ترەک.

سەرچەوەگە وتیش: تیمەیل فریاکەفتن و هیزەیل ئەمنی رەسینە شوین رویداوەگە، و تەرمەیل ئەرا پزشک دادوەری بردن، و زەخمدارەیل ئەرا خەسەخانە، و لێکۆڵینەوە لە رویداوەگە واز کردن.