شەفەق نیوز/ سەرچەوەیگ ئەمنی لە دیالە، ئمڕوو دووشەممە، خەوەردا لە یەک کوشیان و دوو زەخمداری وە تەقینەوەیگ لەبان هیزە ئەمنیەیلە لە پارێزگاگە.
سەرچەوەگە ئەرا ئاژانس شەفەق نیوز وت: بومبیگ دانریاگ لەکنار ریەگە لە ناحیەی ئەبو سەیدا لە پارێزگای دیالە، لە مەوقەی رەدبوین مەفرەزەیگ ئەمنی هەڵپووقیا، و بویە هووکار کوشیان ئەندامیگ ئەمنی و زەخمداری دووانتر.
و دیاری کرد ک هیزە ئەمنیەیلە زەخمدارەیل رەساننە خەسەخانەیگ نزیک، و تەرمەگە ئەرا پزشک یاسایی بردن، و دەسکردنە هەڵمەتیگ وەشکین لە ناوچەگە.