شەفەق نیوز - نەجەف

سەرچەوەیگ ئەمنی، ئمڕوو شەممە، خەوەردا لە کوشیان ژنیگ وەدەس شۊەگەی وە گولە لە ناحیەی حەیدەریە سەر وە پارێزگای نەجەف لەبان ری بەسەرەگە وە پارێزگای کەربەلا، و یەیش لە رەوشیگ نادیار.

 سەرچەوەگە ئەرا ئاژانس شەفەق نیوز وت، کە هێزیگ ئەمنی دەسوەجێ شۊن تاوانبارەگە کەفت و دەسگیری کرد وەرجە ئەوەگ بچوودە دەیشت پارێزگاگە، کە ئەرا بنکەی دەسگیرکردن تایبەت بریا ئەرا تەواوکردن ریکارەیل لێکۆڵینەوە وەردی.

 دیاری کرد کە ماشینیگ فریاکەفتن تەرمەگە ئەرا فەرمانگەی پزیشکی دادوەری برد.