شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا ک ژنیگ وە گولە کوشیا، هەنای "دگەی هووزانە" لەبان ماڵەگەی لە شار سەدر خوەرهەڵات بەغدای پایتەخت جیوەجی کریا.  

سەرچەوەگە ئەرا ئاژانس شەفەق نیوز وت: چەکدارەیلیگ هەڵگر تفەنگ کلاشینکۆف "دەگەی هووزانە" لەبان ماڵیگ لە قەتاع ٧٣ لە شار سەدر جیوەجی کردن، و گولە رەسیە کوشتن ژنیگ لەداڵگبوی ساڵ ١٩٥٤ لەناو ماڵەگە بوی،  و گولە داگە سەر و زگی.  

سەرچەوەگە وتیش: هیزیگ ئەمنی رەسیە شوین رویداوەگە و تەرم ژنەگە رەسانە پزشک یاسایی، و لێکۆڵینەوە ئەرا زانستن ئەو تاوانبارەیلە واز کرد ک وەرەو شوین نادیاریگ واینە.