شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا لە کوشیان ژنیگ لەناو مالەگەی خوەی وە هووکار نادیاریگ، وەگەرد دەسگیر کردن کەسیگ وە تۆمەت دەگەی هووزانە لە دو رۊداو جیا لە بەغدا. 

سەرچەوەگە وە ئاژانس شەفەق نیوز وت، " ژنیگ وە کوشیایی وە گولە ناین وە شۊنەیل جیاوازی لە لەشی لەناو مالەگەی پەیاکریایە لە ناوچەی مەشتەل، خوەرهەڵات بەغدا، وەبی ئەوەگ هووکارەگەی ئاشکەرا بوود". 

سەرچەوەگە وتیش، هێزەیل ئەمنی دەسکردنە وە لێکۆڵینەوە لە رۊداوەگە ئەرا زانستن هۊردەکاریەیلی ک کردەوەگە چەکداری یا گرفت خێزانی بۊیە.   

لەلایگتر سەرچەوەگە خەوەردا، " مەفرەزەیل پۆلیس بەغدا کەسیگ دەسگیر کردنە هەلسیایە وە دەگەی هووزانە لە ناوچەی حوسەینیەی زهوور ، باکوور بەغدا، چەکیگ لە جۊر کلاشینکۆف وەپی بۊیە، وتیش، هێزەیل ئەمنی دەسگیری کردنە خەنەی نوای یاسا تا سزای گونجیای خوەی وەربگرێد.