شەفەق نیوز - کەرکوک / بەغداد
فەرماندەی پولیس پارێزگای کەرکوک، ئمڕوو یەکشەممە، راگەیان لە وازکردن لێکۆڵینەوەیگ لە رۊداو کوشیان ژنیگ وە دەس براگەی، لە ناوچەی حوریە نزیک بازاڕەگە لە ناوڕاس شارەگە.
فەرماندەییەگە لە بەیاننامەیگ رەسیە ئاژانس شەفەق نیوز وت، کە زانیاریە سەرەتاییەیل دیاری کەن کە رۊداوەگە لەبان ناکۆکییەیل خیزانی بویە، لە وەختیگ مەفرەزەیل پولیس و بەڵگە تاوانکارییەیل دەس کردنە رێکارە یاساییەیلیان دەسوەجێ دۊای رەسین خەوەرەگە.
هەمیش وت کە هیزەیل ئەمنی رەسینە شوون رۊداوەگە ئەرا ئەنجامداین ئاشکراکردن مەیدانی و هەڵگردن بەڵگەیل، و گردنەوەر رێکارە بنەڕەتییەیل وەرانەور توومەتبارەگە و کلکردنی ئەرا لایەنە دادوەرییە پەیوەندیدارەیل، و دووپات کرد لە وەردەوامبۊن لێکۆڵینەوەیل ئەرا ئاشکراکردن تەواو هۊردەکارییەیل.
لە بەغدای پایتەخت، خانمە هاوکار مەکتەویگ (لەداڵگبۊ 1978) گیان لە دەس دا لە ئەنجام تۊشبۊنی وە تەزیان کارەبایی لە دەر ئاسنین لە وەخت چگنی ئەرا ناو بینای مەکتەوەگە لە نزیک بەدالەی ناوچەی بەییاع.
سەرچەوەیگ ئەمنی ئەرا ئاژانس شەفەق نیوز خەوەردا، کە ماشین فریاکەفتن تەرمەگە ئەرا پزیشک دادوەری برد، لە وەختیگ هیزەیل ئەمنی لێکۆڵینەوەیگ واز کردن ئەرا زانستن هۊردەکاریەیل رۊداوەگە و دیاریکردن لایەنە کەموکوڵی.