شەفەق نیوز/ سەرچەوەیگ ئەمنی، ئمڕوو شەممە، خەوەردا لە کوشیان ژنیگ وە تەقینەوەی جیماگەیل جەنگی لە قەزای زوبێر لە پارێزگای بەسرە.
سەرچەوەگە ئەرا ئاژانس شەفەق نیوز وت: بومبیگ لە جیماگەیل جەنگی، ئمڕوو لە ناوچەی شعێبە سەروە قەزای زوبێر خوەرئاوای پارێزگای بەسرە تەقیەو، ک بویە هووکار کوشیان ژنیگ لە تەمەن ٥٠ ساڵان.
سەرچەوەگە دیاری کرد ک هیزیگ ئەمنی تەرم قوربانیەگە ئەرا پزیشک دادوەری برد، و لێکۆڵینەوە لە رویداوەگە واز کردن.