شەفەق نیوز/ سەرچەوەیگ ئەمنی لە بەغدا، ئمڕوو چوارشەممە، خەوەردا لە کوشیان مەدەنییگ وە گولەی چەکدارەیلیگ لەوێ تووڵەسەنین کوینەیگ لە بەغدا پایتەخت.
سەرچەوەگە ئەرا ئاژانس شەفەق نیوز وت: چەکدارەیلیج نەناسیای وەناو ماشینیگ مارکەی لاندگرووز، تەقە لە کابرایگ مەدەنی لە ناوچەی غەزالیە کردن، کە بویە هوکار کوشیانی وە کوتوپڕ، و چەکدارەیلیش وەرەو شوین نادیاریگ واین.
وتیش: زانیاریەیل سەرەتایی نشان دەن کە قوربانیەگە تووڵەسەنین کوینەیگ وەلایەو بویە، وتیش؛ هیزیگ ئەمنی تەرم قوربانیەگە ئەرا پزشک دادوەری کل کرد، و لێکۆڵینەوە لە رویداوەگە واز کریا.