شەفەق نیوز/ سەرچەوەیگ ئەمنی لە دیالە، ئمڕوو دووشەممە، خەوەردا لە کوشیان ٣ مەدەنی وە دوو رویداو هاتوچو لە خاڵس و بەلەدروز.
سەرچەوەگە ئەرا ئاژانس شەفەق نیوز وت: دوو گەنج گیانیان لەدەسدان وە رویداویگ لەیەکدان ماتورسکڵیان لەبان رییگ لە ئاوای سەباح دەورگرد قەزای بەلەدروز.
لە رویداویگتر، خود سەرچەوەگە خەوەردا لە کوشیان گەنجیگ وە رویداویگ ناوبەین دوو ماشین لەبان ری بەغداد و کەرکوک نزیک سەربازگەی ئەشرەف.
سەرچەوەگە وتیش تەرم قوربانیەیل ئەرا فەرمانگەی پزشک دادوەری بەعقوبە بریان، و دەسەڵاتەیل هاتوچو لێکۆڵینەوە واز کردن.
لەلاییگتر، سەرچەوەیگ ئەمنی لە پارێزگای بابل ئەرا ئاژانس شەفەق نیوز وت: حکومەت ئیران وەهەماهەنگی وەرد حکومەت فیدراڵی و حکومەت پارێزگاگە، ئامادەکاری ئەرا گلەوداین ٩ زیارەتچی زەخمدار وە رویداوەیل هاتوچو تەواو کردن، وەگەرد ١٢ تەرم لە خەسەخانەی حلە وەرەو ئیران لەڕی فڕۆکەخانەی نەجەف.