شەفەق نیوز / سەرچەوەیگ ئەمنی، ئەمروو یەکشەممە، خەوەردا لە کوشیان ئەفسەریگ پولیس وەدەس کەسوکارەی لە ئەنجام مرافەیگ لەناوبەینیان لە پارێزگای کەربەلا.
سەرچەوەگە ئەرا ئاژانس شەفەق نیوز وت: مرفەیگ خیزانی رەسیە کوشیان ئەفسەریگ پولیس وە پلەی رائد کار لە وەڕیەوبەرایەتی پولیس کەربەلا کەێد، بەش شار ئەلحوسەین، وە گولەی دەوانچە لە سەری دریا.
سەرچەوەگە وتیش: بکوشەگە ک وایە یەکیگ لە کەسوکارەیل ئەفسەرەگە بویە، و ئەندامە لە حەشد شەعبی، وتیش: قوربانیەگە لەماڵ خوەی لە گەڕەک موەزەفین لە کەربەلا کوشیاگە.
هەرلیوا، سەرچەوەیگ ئەمنی لە پارێزگای نەجەف ئەرا ئاژانس شەفەق نیوز وت: کابرایگ لە ناو تەمەن بیس ساڵە لە ئەنجام مرافەیگ خیزانی کوشیا.
سەرچەوەگە وتیش؛ کابرایگ لەداڵگبوی ساڵ ١٩٩٧ لە عەلەوی فەحەل لە شار کووفە کەفتە وەر گولەی یەکیگ لە کەسوکارەیلی و گیانی لەدەسدا.