شەفەق نیوز/ هێزیگ ئەمنی، ئمڕوو پەنجشەممە، تەرم فەرمانەبەریگ لە بانک رەشید پەیا کرد لەناو ماڵەگەی خوەی لە باشوور بەغداد پایتەخت کوشیاگە.. سەرچەوەیگ ئەمنی خەوەردا ئاژانس شەفەق نیوز ک قوربانیەگە لەناو ماڵەگەی خوەی لە ناوچەی عەرەب جبوور لە دۆرە پەیا کریا، وتیش؛ کوشتنەگەی وە چەقو بویە و وایەریگ لەقەی ملی بوی.

وتیش؛ هێزە ئەمنیەگە تەرمەگە هەڵگرد و لێکۆڵینەوەیگ لە رووداوەگە واز کریا.

هەرلیوا؛ سەرچەوەگە دیاری کرد ک فەرمانبەگە لەماڵەگەی تەنیا بویە، دویای ئەوە ک ژنەگەی ئەرا ماڵ باوانی لە سەڵاحەدین رەوانە کردگە لەسەر تووشهاتن ژنەگە وە ڤایڕۆس کۆڕۆنا.

وتیش؛ کەسوکارەیل فەرمانبەرەگە توومەتبار کابرایگ کردن ماڵی هالە نزیک قوربانیەگە، و وتن؛ گرفتەیلیگ لەناوبەینیان بویە.