شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە کوشیان کەسیگ وە ئامراز تیژیگ و زەخمداری کەسیگتر ک جویر پارێزەر کارکەێد لە دوو رویداو جیاواز لە پارێزگای سەڵاحەدین و بەغدا.
سەرچەوەگە وە ئاژانس شەفەق نیوز وت، گەنجیگ وە چەقوو کوشیاگە لە مەرافیگ دەوروگەرد قەزای سامەرا، وتیش گەنجەگە لەدویای رەساننی ئەرا خەسخانە گیان لەدەسدایە.
ئاشکەرایکرد هێزەیل پۆلیس تاوانبارەگە دەسگیرکردن و لیکۆڵینەوە لە چوینیەتی رویداوەگە کریەێد.
وەی هووکارە کەسەیل نەناسریایگ ماڵ تاوانبارەگە سزاننە و هێزەیل ئەمنی ئاخڵەی ماڵەگە دانە ئەرا هەر کاردانەوەیگ یا حالەتیگ لەناکاو.
لەرویداویگتر سەرچەوەیل وتن، چەکدارەیل نەناسریایگ ماشینیگ لە جویر پیک ئاپ وەپیان بویە تەقە لە کابرایگ پارێزەر کردنە لە جادەی فەڵەستین لە ئەنجام تویش زەخمداری بویە و چەکدارەیلیش واینە.