شەفەق نیوز - کەرکوک
سەرچەوەیگ پزیشکی لە تەندروسی کەرکوک، ئمڕوو دووشەممە، خەوەردا لە کوشیان کەسیگ و زەخمداربوین سێ کەس ترەک لە ئەنجام رویداویگ هاتوچوو لەبان ری دووبز.
سەرچەوەگە ئەرا ئاژانس شەفەق نیوز وت: رویداویگ هاتوچوو لەناوەین دوو ماشین لەبان ری کە کەرکوک و دووبز نزیک کارگەی غاز لە ناوچەی باجوان، لە باکوور خوەراوای پارێزگاگە، کە دەسوەجی بویە مدوو گیانلەدەسداین کەسیگ و زەخمداربوین سێ کەس ترەک وە زەخمەیلیگ جیاجیا.
وتیش: تیمەیل فریاگوزاری زەخمدارەیل ئەرا خەسەخانە بردن، و تەرم قوربانیەگە ئەرا فەرمانگەی پزیشک دادوەری برد، و لێکۆڵینەوە لە رویداوەگە واز کریا.