شەفەق نیوز/ سەرچەوەیگ ئەمنی، ئمڕوو شەممە، خەوەردا لە کوشیان کەسیگ و زەخمداری ئەندامیگ ئەمنی لە ئەنجام رویوەڕیوبوین هووزانەی چەکدار لەناوچەی فزێلیەی بەغداد پایتەخت.
سەرچەوەگە ئەرا ئاژانس شەفەق نیوز وت: ئەو مرافەی هووزانە لە ناوچەی فزێلیە، رەسیە کوشیان کەسیگ لە لایەنەیل مرافەگە، و زەخمداری ئەندامیگ پولیس فیدڕاڵی مەوقەی رەسین هیزەگە ئەرا ناوجیکردن.
سەرچەوەگە دیاری کرد ک ماشینەیل قەڵغانی ئۆپراسیۆنەیل بەغداد رەسینە شوین تەقەکردنەگە و دەسکردنە وەشکین.
شەفەق ئمڕوو شەممە، پولیس عراقی خەوەردا لە قومیان وەردەوەردە و تەقەکردن هووزانەی تونیگ لەناوچەی فزێلیەی خوەرهەڵات بەغداد پایتەخت ناوبەین هووزەیل بەنی کەعب و عگێل، ک هەردوگ لایەنەگە جویراجویر چەک لە سووک و لە قورس وەکار هاوردنە.
کەسەیلیگ لە خەڵک ناوچەگە پارچە ڤیدیۆ توومار کردنە، نشان ئەو جەنگ و نەقەکردن خەسە دەێد ک زیڕە خستە ناو مەردمەگە.