شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە کوشیان کابرایگ مەدەنی لە ئەنجام جەنگیگ چەکدار لە بازاڕ جەمیلە لە شار سەدر خوەرهەڵات بەغداد.
سەرچەوەگە ئەرا ئاژانس شەفەق نیوز وت: بازاڕ جەمیلە لە شار سەدر، ئمڕوو، وەردەوەردەی تونیگ لەناوەین چەن کەسیگ وەخوەی دی، و دیاری کرد کە جەنگەگە رەسیە دەوانچەکیشان کە بویە هوکار کوشیان یەکیگ لەلییان.
سەرچەوەگە وتیش؛ هیزیگ ئەمنی رەسیە شوین رویداوەگە، و دەسکردە لێکۆڵینەوە ئەرا رەسین وە بندروسی، و مینەکردن ئەو کەسەیلە وەردەوامە کە دەسیان لەناو تاوانەگە بویە.
لەلای خوەییش، فەرماندەیی ئۆپراسیۆنەیل بەغداد، لە بەیاننامەیگ رەسیە ئاژانس شەفەق نیوز وت: دووان لە تاوانیارەیل وە وەختیگ پەیمانەیی دەسگیرکردنە دویای تەقەکردن لەناو بازاڕ جەمیلە، و دەسنریا بان دەوانچەگە.
وتیش: تاوانکارەیل دریانە دەس لایەنەیل پەیوەندیدار ئەرا تەواوکردن ریکارەیل یاسایی.
شار سەدر، هەر ماوەی جاریگ وەردەوەردەی تونیگ ناوەین مەردمەگە توومار کەێد، کە هەمیشە رەسێدە وەکارهاوردن چەک ئاگرین، کە نیگەرانی خەێدە ناو خەڵک ناوچەگە.