شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە کوشیان کەسیگ وەدەس براگەی وە هەڵە لە پارێزگای بەسرە، کە هەمیش لە بەسرە کەسیگ وە پلیان ماشین گیانی لەدەسدا.
سەرچەوەگە ئەرا ئاژانس شەفەق نیوز وت: کابرایگ مەوقەی دەسکاریکردن چەک لەناو ماڵیان لە بەسرە گولە لەدەسی دەرچگە و برای خوەی کوشت.
سەرچەوەگە باس کوشیان کەسیگ ترەک کرد لە رویداو پلیان ماشین لەبان ری برجسسیە لە قەزای زوبێر، و کەسیگیش وەگەردی زەخمداری بویە.