شەفەق نیوز/ سەربازیگ فەرەنسی وە رویداویگ هاتوچو لە عراق گیانی لەدەسدا، کە بەشداری لە ئەرک راهێنان ئەرا هیزە چەکدارەیل عراقی کردیەر وەگورەی راگەیانن سەرۆک ئیمانۆئێل ماکرۆن.
سەرۆکایەتی فەرەنسا لە بەیاننامەیگ وت: ئمڕوو وە خەفەت گەورەیگ ئاگادار بوی لە مردن رەقیب بابتیست گوشۆ لە فەوج ئەندازیارەیل نۆزدە لە عراق.
وتیش؛ سەرۆکایەتی دەوڵەت دووپات لە پاڵپشتیکردن گەل عراق و دەسەڵاتەیل عراق کەێد و رک فەرەنسا ئەرا وەردەوامی کارکردن وەگەردیان ئەرا راهێنان هیزەیل ئەمنییان کە نواگیری تیرۆر کەن.
لەلای خوەییشڕ وەزارەت وەرگری فەرەنسا دیاری کرد کە رەقیبەگە وەگەرد سەربازیگتر زەخمداری سەختیگ بوین هەناێ ماشینەگەی لەبان ریەگە دەرچگ.
وتیش؛ لەوەر زەخمەیلی گیانی لەدەسدا دویای نەشتەرگەرییگ لە هەولێر، و هاوڕیەگەی زەخمدارە و لە خەسەخانەیگ سەربازی لە بەغداد خەفتیە
رەقیب بابتیست گوشۆ لە ئایار ٢٠٢٣ەو کار لە ئۆپراسیۆنەیل دەیشتەکی کردیە.