شەفەق نیوز/ سەرچەوەیگ ئەمنی لە بەغداد، ئمڕوو جمعە، خەوەردا لە کوشیان کراکاریگ بیناسازی لە ئەنجام وەخوارکەفتنی لەبان بینایگ، مەوقەی کارکردنی لەناوڕاس بەغدای پایتەخت.
سەرچەوەگە ئەرا ئاژانس شەفەق نیوز وت: کراکاریگ بیناسازی کار لەناو بینای وەزارەت خوەنستن باڵا و توێژینەوەی زانستی لەناوڕاس بەغداد کردیاد، لە قات پەنجەمەو کەفتە خوارەو و گیانی لەدەسدا.
وتیش: تەرمەگەی ئەرا خەسەخانەی شێخ زاید بریا ئەرا تەواوکردن ریکارەیل یاسایی.