شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە کوشیان و زەخمداری سێ ئەندام پولیس وە رویداویگ هاتوچو لە خوەرئاوای بەغداد.
سەرچەوەگە ئەرا ئاژانس شەفەق نیوز وت: دوو ئەندام پولیس گیانیان لەدەسدان، و پولیسیگ زەخمدار بوی، لە ئەنجام پلیان ماشینیگ سەربازی لەبان ری زوینەی ناوچەی رەزوانیەی خوەرئاوای بەغداد.
سەرچەوەگە وتیش: هیزیگ ئەمنی رەسیە شوین رویداوەگە و زەخمدارەگە ئەرا خەسەخانەیگ نزیک برد، و دوو تەرمەگە رەسانە پزشک دادوەری، تا بیریەنە دەس خاوەنیان، و ماشینەگە ئەرا بنکەیگ ئەمنی کیشا.