شەفەق نیوز/ سەرچەوەیگ ئەمنی لە دیالە، ئمڕوو جمعە، خەوەردا لە کوشیان دوو ئەندام داعش یەکیگیان خوەیکوشە، ئەوەیش لە رویوەڕویبوین وەرد هیزەیل ئەمنی خورئاوای شار بەعقووبە.
سەرچەوەگە ئەرا ئاژانس شەفەق نیوز وت: کشاوەرزەیل لە ئاوای ئیسڵاح لە ناحیەی خان بەنی سەعد کەفتنە وەر تەقەکردن لە باخەیل نزیک ناوچەیان، و ئەوانیش تەقە وەرەو پییان کردن.
وتیش: هیزیگ ئەمنی رەسیە شوینەگە و تەقە لەناو باخەیل کرد، و تەرم دوو ئەندام داعش پەیا کرد یەکیگیان پشتین بومبی بەساوێد.
سەرچەوەیگ ترەک ئەرا ئاژانس شەفەق نیوز دیاری کرد کە ئەو ئۆپراسیۆنە وەلایەن مەفرەزەی هەواڵگری سەربازی جیوەجی کریا، کە دوو تیرۆست گیر هاورد و تەقە لەلییان کرد لەناو باخیگ لە ئاوای عید لە دیالە.
دیاری کرد کە مەفرەزەگە توەنست هەردوکیان بکوشێد، و دەرکەفت کە یەکیگیان پشتین بومبی بەساوێد و چەخماج تەقیانەگەی وەدەس گردیە.