شەفەق نیوز/ دوو سەرچەوەی ئەمای، ئمڕوو دووشەممە، خەوەردا لە کوشیان دوو گەنج لە دوو رویداو هاتوچو جیا لە پارێزگایەیل زیقار و بەسرە باشوور عراق، لە ئەنجام مەرافەیل چەکداری پەیوەنیدار وە هووزانە.

سەرچەوەیگ ئەمنیلە زیقار وە ئاژانس شەفەق نیوز وت، "مەرافیگ چەکداری لەناوەین دوو لایەن لە یەک خێزان رویدایە لە قەزای غوراف باکوور پارێزگاگە، لە ئەنجام کوڕیگ بیس ساڵان کوشیا لەدویای ئەوەگ برای ژنەگەی وە گولە زەخمداری کەێد و ئەرا شوین نادیاریگ واێد".

 وتیش "هێزەیل ئەمنی لێکۆڵینەوە لە هووکار دروسبوین مەرافەگە وازکردنە و کوڵەوشکین ئەرا تاوانبارەگە کەن".

لە رویداویگ ترەک وە دیاریکریاگی لە ناوچەی ئەبو سەخیر باکوور بەسرە خوەنەواریگ 13 ساڵان لەوەخت گلەوخواردن لە مەکتەوەو کوشیا، لە ئەنجام مەرافیگ هووزانەی کوەنەی ناوەین دوو هووز کە نەرەسینەسە رێککەفتن ئەرا چارەکردن وردەوەردەیلیان، وەپای ئەوەگ سەرچەوەیگ ئەمنی وە ئاژانس شەفەق نیوز خەوەردا.

سەرچەوەیگ ئەمنی دیاریکرد، "قوربانیەگە راستەوخوەی رویوەروی  تەقەکردن بوی مەوقەی چگنە  مال لەدویای ئەنجامدان تاقیکردنەوەی کۆتایی ساڵ پۆل یەک، جویر بەشیگ لە کارەیل تۆلەکردن.