شەفەق نیوز - بەغداد

سەرچەوەیگ ئەمنی لە بەغداد، رووژ سێشەممە، خەوەر دا لە گیانلەدەسداین دوو ژن وە مدوو تویشبۊنیان وە رویداویگ تلیان لەناو کیلۆ 29 لە ناحیەی لەتیفیە باشوور بەغدای پایتەخت.

سەرچەوەگە ئەرا ئاژانس شەفەق نیوز رووشنەو کرد، کە رویداوەگە وە مدوو تونی بەرز لەلایەن خاوەن ماشینەگەو بۊە، وە دەسنشانکردن ئەوە کە هەردوگ تەرمەگە بریانە پزیشکی دادوەری، و رانندەگە دەسگیر کریا.

 هەرلیوا، سەرچەوەگە دەسنشان ئەرا خوەیکوشتن گەنجیگ لە داڵگبۊ ساڵ 2004 کرد، لەڕی تاسانن خوەی وە پارچەیگ پەڕوو (شاڵ) کە لە بانمیچ ژوورەگەی لەناو ماڵەگەی هەڵواسریاگە لەناو گەڕەک جەمعییە سەروە ناوچەی دۆرە باشوور بەغداد.

 سەرچەوەگە رووشنەو کرد، کە پۆلیسەیل تەرم گەنجەگە بردنە ئەرا پزیشکی دادوەری، و لێکۆڵینەوەیگ واز کردن ئەرا زانستن چۊنیەتی رویداوەگە و هوکارەیل پەنابردنی ئەرا خوەیکوشتن.