شەفەق نيوز/ وەڕیەوبەرایەتی دژە تاوان قائم، ئمڕوو چوارشەممە، توەنست ئاشکرای تاوان کوشتنیگ بکەێد، کە لە وەخت خوەی وە خوەیکوشتن توومار کریاوێد، لە وەختیگ مردن دوو برا وە خنکیان لە چەم دیجلە لە میسان توومار کریا.

 سەرچەوەیگ ئەمنی ئەرا ئاژانس شەفەق نیوز وت: ئاگادارکردن فەرمی رەسیە دژە تاوان قائم، لە ساعەت دوو شەفەق ئمڕوو، لە  کەسیگ خوەیکوشتیە و تەرمەکەی رەسیە خەسەخانەی گشتی قائم، و هیزیگ رەسیە شوین رویداوەگە، و دەرکەفت کە تاوان کوشتنە.

وتیش: توومەتبارەگە وە ماوەی دوو ساعەت تەقەلا دا شیوەی تاوانەگە بشارێدەو، وەلێ دەسگیر کریا، و چەوەڕی کریەێد بخریەێدە وەردەم دادگای لێکۆڵینەوە، تا سزای یاسایی خوەی بوەێد.

لە رویداویگ ترەک، سەرچەوەیگ لە پارێزگای میسان ئەرا ئاژانس شەفەق نیوز وت: دوو برا تەمەنیان لە 15 ساڵان ئەوبان نییەر لەناو چەم دیجلە لە قەزای مەجەر گەورە خنکیان، دویای ئەوە کە یەکیگیان تەقەلا داگە ئەوەکە رزگار بکەێد مەوقەی مەلەوانیکردن و هەردوگیان خنکیان.

 سەرچەوەگە: هیزەیل ئەمنی رەسینە شوین رویداوەگە و لێکۆڵینەوە ئەرا رەسین وە بندروسی واز کردن.