شەفەق نیوز/ بۆرسەی سەرەکی فروشتن دۆلار لە بازار کیفاح و حارسیە، وەگەرد بازارەیل تەڵا لە بەغدای پایتەخت عراق، ئمڕوو سێشەممە، وسیا لە ئاڵشتکاریەیلی لەوەر ئەو قەیەغەی هامشوو گشتگیرە ک لە دویەشەو جیوەجی کریەێد، و لە هەولێر پایتەخت هەرێم کوردستان نرخ دۆڵار بەرزەوبوی.

پەیامنێر ئاژانس شەفەق نیوز راگەیان، بۆرسەی سەرەکی لە بازاڕ کیفاح و حارسیە لە بەغدا ک تایوەتن وە ئاڵشتکاری دۆڵار ئەمریکی، و بازاڕەیل فرووشتن تەڵا وە کوو لە جادەی نەهر ناوڕاس پایتەخت  ئمڕوو  بەسان، لەوەر قەیەغەی هاتوچو و ئەو  رویداوەیل ئەمنیە ک بەغدا و شمارەیگ لە پارێزگایەیل وەخوەیەو دیە.

باوجی لە پایتەخت هەرێم کوردستان، نرخ دۆلار بەرزەوبوین وە خوەی دی  نرخ فروشتنی رەسیە  148400 دينار لەوەرانوەر 100 دولار ئەمریکی، و نرخ سەنینی رەسیە  148300 دينار وەرانوەر 100 دولار.