شەفەق نیوز/ سەرچەوەیگ ئەمنی وەرپرس، ئمڕوو سێشەممە، خەوەردا ک سوپای تورکیا گورزیگ وەشانە بان کامپیگ سەربازی ئەرا حەشد شەعبی لە ناوچەی بەعشیقە لەپارێزگای نەینەوا.   

سەرچەوەگە ئەرا ئاژانس شەفەق نیوز وت: سوپای تورکیا گورزیگ ئاسمانی وە دوو فڕۆکەی بێفڕۆکەوان لەبان کامپیگ سەروە حەشد شەعبی لە ئاوای جەربوعە سەروە ناحیەی بەعشیقە جیوەجی کرد.  

سەرچەوەگە وتیش: پەلامارەگە بویە هووکار زەخمدارەیلیگ لەلایەن ئەندامەیل حەشد شەعبی، وەگەرد ویرانکردن ماشینەیلیگ سەربازی لەناو کامپەگە.   

ئی گورزە دویای ئەوە تیەێد ک کامپ زیلەکان ک هیزەیل تورکیا هاناوی لە باکوور بەعشیقە،  دویەشەو کەفتە وەر پەلاماریگ مووشەکی.