شەفەق نیوز/ بزوتنەوەی گۆڕان وت: ئەو رووژ هەڵبژاردنە ک موستەفا کازمی سەرۆک وەزیران دیاریی کرد، لەلایەن کەشوهەوا گونجیاگ نیە، و ئاماژەدا ک هووکارەیل سەرکەفتنی هیمان ناتەواون.

غالب محمد نوێنەر بزوتنەوەگە ئەرا ئاژانس شەفەق نیوز وت: پشتگیری لە هەڵبژاردن زوینە کەیمن، بەڵکم هووکارەیل سەرکەفتن و ئامادەبوین گونجیاگ خوازێد، جوور ناتەواوی یاسای هەڵبژاردن و نادیاری دابەشە هەڵبژاردنەگان و ناتەواوی شیوەی نووسینگەیل کۆمسیۆنەگان هەڵبژاردن و زاڵبوین حزبی لەبان نووسینگەگان و پارێزگاگان.

محمد ئاماژەدا ک یاسای دادگای فیدڕاڵی ک واژووی ئەنجام هەڵبژاردنەگان کەێد هیمان پەکی کەفتگە وەگورەی مادەی ٣ لە فەرمان ٣٠ ساڵ ٢٠٠٥ .

محمد داوای ژمێریاری دەسی کرد لەجیای ئەلیکتڕۆنی، چوونکە ئەلیکتڕنیەگە دەسکاری و تەزویر فراوانیگ لەناوی بوی، وپێشنیار ئاڵشتکردن رووژ هەڵبژاردنەگە کرد ئەرا وەرز وەهار یا پاییز لەوەر کەشوهەواگەی مانگ حوزەیران.