شەفەق نیوز/ ئەمریکا، ئمڕوو چوارشەممە، راگەیان ئەوەسا ٢ مەلیۆن دۆلار دەێدە ئاسایش خوەراک عراق، و بەشیگتر مەزەنە وە ٨ مەلیۆن دۆلار کریەێد ئەرا پەنابەرەیل عراقی و سوری لەناو کامپەیل.
ئیلینا رۆمانویسکی خانمە باڵیۆز ئەمریکا لە عراق لە پۆستیگ لەبان تویتەر ک ئاژانس شەفەق نیوز نووڕیەی نویسان: خوەشهاڵیمن لە راگەیانن بایی ٢ مەلیۆن دۆلار لەڕی (USAID) لە کارەیل بازرگانی کشتوکاڵی بویچگ و ناوڕاس بەرهەم کریەێد ئەرا پاڵپشتیکردن ئاسایش خوەراک عراقیەیل.
خانمە باڵیۆز ئەمریکا ئاشکرای تەرخانکردن ٨ مەلیۆن دۆلار لەڕی (USAID Saves Lives) کرد ئەرا جیوەجیکردن خوازینەیل خوەراک ئەرا ئاوارەیل عراقی و پەنابەرەیل سوریا لەناو کامپەیل.