شەفەق نیوز/ باڵوێز ئەمریکا لەلای عراق، ئمڕوو یەکشەممە، باس لە پابەندبوین وڵاتەگەی وە بتەوکردن هاوبەشیەگە و قویلەوکردن پەیوەندیەگە کرد ئەرا عراقیگ ئارام.

نووسینگەی راگەیانن سەرۆک ئەنجومەن نۆێنەران لە بەیاننامەیگ رەسیە ئاژانس شەفەق نیوز وت: محمد حەلبوسی سەرۆک ئەنجومەن نۆێنەران، ئمڕوو، پێشوازی لە ماسیۆ تولەر باڵوێز ئەمریکا لەلای عراق کرد، ودیاریکرد ک چەوپێکەفتنەگە باس لە پەیوەندیە دووانیەگان لەناوبەین هەردوگ وڵاتەگە کرد، و بتەوکردن هاوکاری لە چینەیل ئاسایش و بازرگانی، و باسکردن لە باوەت ئاوارەگان، و دووپاتکردن لە وەردەوامی لە پشتگیریکردن چگنەوەی ئارامیان ئەرا ناوچەیلیان، و هەمیش چەن باوەتیگ گرنگ.

باڵوێز ئەمریکا لە چەوپیکەفتنەگە باس لە پابەندبوین ئەمریکا کرد لە بتەوکردن هاوبەشیەگە و قویلەوکردن پەیوەندیەگە وەگەرد گەل عراق، و دووپاتکرد لە وەردەوامی هاوکاریەگە ئەرا عراقیگ ئارام.