واست...پەیاکردن تەرم گەنجیگ ک دو رووژە دیاری نەمایە

شەفەق نیوز/ سەرچەوەیگ ناوخوەیی لە واست، ئمڕوو چوارشەممە، خەوەردا هیزەیل ئەمنی تەرم هاوڵاتیگ پەیاکردنە ک لە ری ئازاردان لەشی کوشیایە.

سەرچەوەگە وە ئاژانس شەفەق نیوز وت: " هیزەیل ئەمنی تەرم گەنج سی ساڵانیگ پەیاکردنە ک جی ئازارداین لە لەشی دیارە لە قەزای ئەلحی لە پارێزگای واست".

وتیش؛ " گەنجەگە لەدویای ئەوەگ وەگەرد بڕیگ گەنج ئەرا راو چوود دوو رووژە دیاری نەمایە".