شەفەق نیوز/ دەسەی کەشناسی عراق، ئمڕوو دووشەممە، هاتن کەشوهەوایگ بارستەی سەرد یگ توومارکرد وەبان وڵاتەگە لە کۆتایی ئێ هەفتە، مەزەنەکرێد لە هەشت شار، سوو سێشەممە واران بوارێد، هووشداری درێد لە دروسبوین شەپوولیگ تەم خەسیگ لە شەو سێشەممە و شەفەق چوارشەممە.
دەسەگە لە بەیانامەیگ رەسیە ئاژانس شەفەق نیوز وت، "نووگەری وینەیل مانگە دەسکردەیل داوەزیانیگ کەشوهەوا نیشاندەن کە بارستەیگ سەردی ها لەتاقە بەرزەیل، لە ناوڕاس دەریای ناوڕاس هاتیە، دەڵەک درێد و لە ماوەی چەن رووژ؟ئایندە رەسێد و کاریگەری لەبان عراق دروس کەێد لە کۆتایی هەفتە".
وتیش، "هەمیش لە وینەیل دزەکردنەیل خوەرئاوا نیشاندەێد لە تاقەیل بەرز (شەپوول کوڵ) بوودە هووکار کەشوهەوای واراناویگ لە کناراوەیل وڵاتەیل شام، باوجی کاریگەر بوود لە نزمە پەستانیگ لە رووژ سێشەممەو بوودە هووکار واران وارین رفتیگ".
دەسەگە مەزەنەکەێد "واران سوکیگ بوارێد لە نیمەروو رووژ سێشەممە لەناوچەیل ( دهۆک و موسڵ و هەولێر و کەرکوک و میسان و زیقار سەماوە و بەسڕە) وە مدوو هاتن شەپوولیگ خوەرئاوای کوڵیگ لە تاقە بەرزەیل".
دەسەگە هووشداری دا "لە دروسبوین شەپوول تەم خەسیگ لە شەو سێشەممە و شەفەق نیوز چوارشەممە ناوچە جیاوازەیل شارەل ناوڕاس و خوەرئاوای وڵات گرێدە و بوودە هووکارنا رووشنی نووڕین ئاسۆیی و هەوەجەکەێد ئاگکاداربوونلە ریگەیل دەرەکی".