شەفەق نیوز ـ بەغدا

دەسەی گشتی گومرک، ئمڕوو یەکشەممە، راگەیان تەقەلای  قاچاخکردن بڕ 83 هەزار دۆلار ئەمریکی پویچەوکریا، کە لە ناو کیف یەکیگ لە گەشتیارەیل شاریابوی و وەگەرد کڕ  ئاسمانی تورکی کە لە ئیستانبوڵەو هاتبوی، و رەسیبویە فڕۆکەخانەی ناودەوڵەتی بەغدا.

دەسەگە لە بەیاننامەیگ فەرمی ئاشکرایکرد  گەشتیارەگە عراقی بوی و تەقەلای وەنوهاوردن  بڕ پویلەگەدابوی بێ ئەوەگ رابگەێنێد ، بەڵام لە وەخت وشکنین هویرد بارەگەی لە هۆڵ رەسین لە فڕۆکەخانەی ناودەوڵەتی بەغدا پەیاکریا.

دووپاتکرد، رێکار یاسایی وەرانوەر گەشتیارەگە گێرێدەوەر وەگەرد ئەو بڕ پویلە دەسوەبانی گیریاس، دیاریکرد  پرۆسەگە لە چوارچمگ تەقەلا بەردەوامەیل دەسەی گشتی گومرکە ئەرا وەرەنگاربوین تەقەلایەیل قاچاخ و پاراستن ئابووری نیشتیمانی.