سەرچەوەیگ لە دەزگاگە لە بەیاننامەیگ رەسیە ئاژانس شەفەق نیوز راگەیان، "ئەندامەیل دوو مەفرەزەگە دان نانە وە ئەوەگ سەر وە چەتەیل داعشن، ئۆپراسیۆنیەیلیگ تاوانکاری وەرانوەر وە هاوڵاتیەیل و هێزەیل ئەمنی ئەنجامدانە لە ماوەی ئمساڵ، لەلیانیش داناین بومب و تەقاننی لە ناوچەیل (گاتون، خاڵس، موعەلمین، و کویچەی تەحریر)، کە دەوریەیل پۆلیس و بورجەیل چەودێری ئەمنی کریەسە ئامانج، وەگەرد دانان بۆمبیگ و تەقاننی وەبان ماڵ دادوەریگ لە دیالە، پیلانداننان ئەرا رفانن کەسایەتیەیل و ئەفسەرەیل ناو پارێزگاگە.

ئاشکەرایکرد "ئۆپراسیۆن دەسگیرکردنەگە لە دویای چەودێری کردنیگ مەیدانیانە و هەواڵگێری تێد ئەرا گشت رویداوەیل تیرۆرستی و پشت بەسین وە داواکریاگەیل و دانان کوڵەی قایمیگ ئەرا دەسگیرکردنیان، هەنای وتەی یاسایی لەلیان وەرگیریا ئەرا لایەن دادوەری تاییەت کلکریەن تا رێکارەیل پێویست وەپای یاسا وەرانوەریان بگیریەد".