شفق نیوز- بەغدا

سەرچەوەیگ ئەمنی، ئمڕوو شەممە، راگەیان تەقەلای رفانن هاوڵاتیگ پویچەوکریا دویای ئەوەگ وە دەسپیچگ سەنین  مولیدەی کارەبا، لە ری ئەپڵیکەیشن "واتسئەپ"، لە ناوچەی زەیونە لە خوەرهەڵات پایتەخت بەغدا.

سەرچەوەگە وە ئاژانس شەفەق نیوز راگەیان، هێز ئەمنی لە پۆلیس رەصافە توەنست تەقەلای رفانن پویچەوبکەێد و ئەندامەیلی دەسگیربکەێد.

وتیش؛ هێزەیل  6 کەس دەسگیرکردن و دەسگردن وەبان دوو ماشین ئەرا زیندان کلکریان رێکار یاسایی وەرانوەریان گیرێدەوەر.

وەپای سەرچەوەگە، لە ناو زیندانیان سێ کەسیان لە دامودەزگای ئەمنی و حکومەتی کارکەن، یەکیگیان ئەندامە لە دەزگای دژە تیرۆر، و دویەم ە وەزارەت کارەبا فەرمانبەرە، و سێیەم فەرمانبەر وەزارەت ناوخوەیە.