شەفەق نیوز/ ئاژانس هەواڵگێریو لێکۆڵینەوەی فیدڕاڵی، ئمڕوو شەممە، دەگیرکردن تووڕیگ ناودەوڵەتی بازرگانیکردن وە ئەندامەیل ئایەم لە پارێزگای نەجەف راگەیان.
ئاژانسەگە لە بەیاننامەیگ رەسیە ئاژانس شەفەق نیوز وت، "مەفرەزەیل ئاژانس هەواڵگێری تایوەت لە بەڕەنگاربوینەوەی تاوانە رێکخریاگەیل پارێزگای نەجەف زانیاری هەواڵگێری هویردیگ توومارکردنە لەباوەت توومەتبارەیلیگ پەیوەنی وەرد کەسەیلیگ وڵاتەیل هاوسای دیرن هەڵسن وە بازرگانیکردن وە ئەندامەیل ئایەم (گورچگ) وەرانوەر بڕە پویلیگ".
وتیش:دەسوەجی تیمیگ کارکردن دروسکردنە سێ توومەتبار لە تووڕەگە دەسگیرکردا لەدویای وەرگردن رەزامەنی یاسایی دادگا" وتیش "لە لێکۆڵینەوەکردن وەردیان دان دانانە وە راسی ئەوەگ سەر وە تووڕیگ ناودەوڵەتی بازرگنیکردن وە ئەندامەیل لەش ئایەمن وەرانوەر بڕیگ پویل".
وتیش "ئەرا لایەن دادگایی تایوەت کلکریان تا سزای گونجیاگ وەربگرن".