شەفەق نیوز- دیالە

پاریزگای دیالە، رووژ یەکشەممە، تەواوکردن ریکارەیل ئامادەکردن زەوییەیل وە رووبەر 7500 دوونەم لە ناوچەیل جیاجیای پاریزگاگە راگەیان، جویر زەمینەسازییگ ئەرا دابینکردن نزیکەی 44 هەزار پارچەی نیشتەجیبۊن ئەرا شایستەیل، لەناو بەش دیالە لە دەسپیشخەری ملیۆن پارچە زەوی.

جیگر پاریزگار دیالە ئەرا کاروبار هونەری، حەسەن جبووری، ئەرا ئاژانس شەفەق نیوز وت، کە "ریکارەیل هەڵگردن چاکسازی کشتوکاڵی لەبان 7500 دوونەم لە ناوچەیل جیاجیای پاریزگای دیالە تەواو کریا، و زەوییەیل ئامادە کریان ئەرا دابینکردن نزیکەی 44 هەزار پارچە زەوی ئەرا شایستەیل، کە بەش پاریزگاگەس لە دەسپیشخەری ملیۆن پارچەگە".

جبووری ديارى کرد کە پاریزگاگە ریکارەیل پەیوەندیدار وە زەوییەیل تەواو کردگە و ئامادەیان کردگە ئەرا چگن وەرەو قۆناغ جیاوەکردن و بەشەوکردن، و ئەو گامە کە مەنیە خوەی لە جیاوەکردن پارچەیل و بەشەوکردنیان دۊنێدەو دۊای هاتن رینماییەیل لە سەرۆکایەتی وەزیرەیلەو.

 وتیش کە تەواوکردن ئی قۆناغە بەسیاس وە رینماییە رێکخەرەیل ئەرا جیوەجیکردن دەسپیشخەرییەگە، و دووپات کرد کە دیاریکردن شایستەیل وەپەی ریسایەیل و رینماییە تایبەتەیل وەپی کریەێد، جویر زەمینەسازییگ ئەرا بەشەوکردن پارچەیل لەبان ئەوانەگ گرێدەیانەو دۊای تەواوکردن کارەیل جیاوەکردن و دیاریکردن شوین پارچە نیشتەجیبۊنەیل لەناو رووبەرە ئامادەکریاگەیل.