[٣:١٧ م، ٢٠٢٠/٩/٢] ⁦+964 770 127 2358⁩: شەفەق نیوز/ نوری مالکی سکرتێر گشتی حزب دەعوەی ئیسلام، ولاهور شێخ جەنگی هاوسەرۆک یەکێتی نیشتمانی کوردستان، ئمڕوو چوارشەممە، رێککەفتن لەبان هەماهەنگردن تەقەلاگان و کار وەگەرد هێزە سیاسیەگان لەناو پەرلەمان لە چارەسەرکردن باوەتە گرنگەگان و ئەوانەگ پەیوەندی وەهەڵبژاردن دیرن. نووسینگەی مالکی لە بەیاننامەیگ رەسیە ئاژانس شەفەق نیوز وت: مالکی پێشوازی کرد لە لاهور شێخ جەنگی هاوسەرۆک یەکێتی نیشتمانی کوردستان وشانەد یاوەری، و لەچەوپێکەفتنەگە باس نووەوبوینەگان لە رەوشە سیاسی وئەمنیەگان کریا، ونواگردن قەیرانەگان وکۆتایی هاوردن ناکۆکیەگان لەناوبەین ناوەند وهەرێم وەگورەی یاسا. مالکی دووپاتکرد لە گرنگی بتەوکردن پەیوەندیە دووانیەگان وهاوکاری ناوبەین حزب دەعوەی ئیسلامی و یەکێتی نیشتمانی کوردستان، وئاماژەدا ئەرا ئەو دەور گرنگە ک یەکێتی لەبەغداد وهەولێر رانێدەی. هەردوگلاگە رێککەفتن لە هەماهەنگکردن رەنج وکار وەگەرد هێزە سیاسیەگان لەناو پەرلەمان ئەرا چارەسەرکردن باوەتە گرنگەگان وگیرهاتگەگان و ئەوانەگ پەیوەندی وەهەڵبژاردنەگان دیرن، وهاوکاری ئەرا بڕیارداین یاسایگ ک یەکسانی ئەرا گشتی مسۆگەر بکەێد، دویای چارەسەرکردن گرفتە گیرهاتگەگان ک پەیوەندی وە بازنە هەڵبژاردنەگان دیرن، وداوا لە حکومەت کردن داواکاریەگان دابین بکەێد تا زەمنیەو کەشوهەوای ئارامیگ ئەرا هەڵبژاردن پاکیگ دابین بکەێد وەگورەی پەیمانە ناودەوڵەتیەگان.