شەفەق نیوز/ مەفرەزەیل ئاژانس هەواڵگری لە وەزارەت ناوخۆ، ئمڕوو دووشەممە، توێستن ئەو تیرۆرستە وەنازناو (ئەبو عەلی جومەیلی) والی فەلووجە دەسگیر بکەن.

ئاژانس هەواڵگری لە بەیاننامەیگ رەسیە ئاژانس شەفەق نیوز وت: جومەیلی وەگورەی مادەی ٤ تیرۆر داوا کریاگە لەوەر لایەنگریی ئەرا ریخریاگ داعش تیرۆرست، و نشان دا ک ئۆپراسیۆن دەسگیکردنەگە وەهاوکاری ئاسایش هەرێم کوردستیان ئەنجام دریا.

بەیاننامەگە نشان دا ک توومەتبارەگە لە لێکوڵینەوە سەرەتاییەکان  ئاشکرای لایەنگریی ئەرا ریخریاگ داعش لە ساڵ ٢٠٠٥ کرد، و کار لە حەشارگەیل تایبەت وە میوانیکردن ئەندامە تیرۆریەکان لە خاوەن ناسنامەی عەرەویەکان کردگە، و فەرمان ١٥ ساڵ زیندان دریاگە، و لەساڵ ٢٠١١ مەرەقەز کریاگە، و دویای ئەوە بەیعەتی ئەرا چەتەیل داعش نووەو کردگە، و کار لە حەشارگەیل چەکەیل کرددگە و ئیجا لە دویای رزگارکردن ئەنبار وەرەو سوریا وایە.

بەیاننامەگە وتیش: ناونریاگ وە والی فەلوجە، وە شیوەی جیگر والی مووسڵ دانریاگە، وئیجا بویەسە والی فەلوجە، و خوەی پشتین تەقینەوەیگ بەساوێد.

وتیش: توومەتبارەگە ئاشکرای ئەنجامدان دەیان کارەیل تیرۆری دژوە هێزە ئەمنیەکان و هاووڵاتییە بیگوناهەیل  داگە.