شەفەق نیوز/ دەزگای دژەتیرۆر، ئمڕوو یەکشەممە، خەوەردا لە دەسگیرکردن ٧ تیرۆرست سەرکردەیگ هاناویان لە هەولێر و ئەندامەیلیگتر لە سلێمانی و کەرکوک، ئەوەیش وە هاوکاری وەرد دەزگایل ئاسایش هەرێم کوردستان.
دەزگاگە لە بەیاننامەیگ رەسیە ئاژانس شەفەق نیوز وت: لە بتەوکردن کار و ئاڵشتکردن زانیاریەیل هەواڵی ناوبەین دەزگای دژەتیرۆر و دەزگایل ئەمنی هەرێم کوردستان، ئەندامەیل دەزگاگە توەنستن چوار تیرۆریست دەسگیر بکەن، سێانیان لە پارێزگای هەولێر و ئەوەکە لە سلێمانی.
وتیش: هەمیش ئەندامیگ سەرکردە لە چەتەیل تیرۆر وەنازناو "ئەبو حەمزە" لەناو پارێزگای کەرکوک دەسگیر کردن وتیش: دوو ئەندام تیرۆریش دەسگیر کریان، چەک و عەتاد و تەقەمەنی وەپیان بویە.