شەفەق نیوز/ سەرچەوەیگ ئەمنی لە نەینەوا، ئمڕوو یەکشەممە، خەوەردا لە مردن یەکیگ لە وەناوبانگترین پیاوەیل لە خەڵک شار مووسڵ وە سزیانی، و هیمان نادیارییگ هالە دەور رەوشەیل مردنەگەی، ک گومان هەس کەفتیەسە وەر تاوان کوشتنیگ.
سەرچەوەگە ئەرا ئاژانس شەفەق نیوز وت: موەفەق راوی ک وە دڵنگەیل جیوازیگ لە مووسڵ وەناوبانگ بوی گ، تەرمەگەی لە ناو ماڵەگەی خوەی لە حەی مەسارف وە سزیاگ پەیا کریا.
و دیاری کرد ک راوی تووش ڤایڕۆس کۆڕۆنا هات و خوەی تەنیا لەناو ماڵەگەی گوزەران کەێد، و شەفەق ئمڕوو تەرمەگەی لەناو ماڵەگەی پەیا کریا، و گومان هەس ئایا ئەگەر مردنی وە رووداو ئاگر بویە یا کەسیگ سزانیەسەی تا بەشەیلیگ لە تەرمەگەی تاویاسەو.
سەرچەوەگە دیاری کرد ک پۆلیس تەرمەکەی وەرەو پزشک دادوەری بریا و لێکۆڵینەوەی فراوانیگ وە رووداوەگە واز کرد،و تا ئیسە هیچ ئەنجامیگ دەربارەی شیوەی مردنەگەی ئاشکرا نەویە.