شەفەق نیوز/ دەیان لە مامووستایل زانکۆ و پەیمانگایل و فەرمانبەرەیل زانکۆیل سلێمانی و ئیدارەی گەرمیان، ئمڕوو یەکشەممە، دەرچینە ناڕەزایی لەبان دیرکەفتن مووچەیل مانگ ئادار گوزەشتە، لە وەختیگ پارێزگایل دیالە و کەرکوک دوو خوەینشاندان ئەرا دەرچگەیل پەیمانگایل تەکنیکی و راهێنکەرەیلیگ لە کۆمپانیای نەفت باکوور وەخوەیان دین.  

پەیامنێر ئاژانس شەفەق نيوز لە سلێمانی وت: ناڕەزایل سلێمانی ری ناوبەین سلێمانی و کەرکوک بڕین لەبان دیرکەفتن خەرج مووچەی مانگ ئادار گوزەشتە.   

مامووستا و فەرمانبەرەیل زانکۆی گەرمیان لە وەردەم پەیمانگەی تەکنیکی لە شار کەلار ناڕەزایی کردن و داوای خەرج مووچەیلیان کردن، و پابەنکردن حکومەت وە خەرج مووچەیلیان هەر ٣٠ رووژیگ.           

لە دیالە، دەرچگەیل پەیمانگایل تەکنیکی دەروازەی بینای وەڕێەوبەرایەتی پەروەردە لەناوڕاس بەعقوبە بەسان، و داوای ئەو کتاوە لە وەڕیەوبەر پەروەردە کردن ک لە ساڵ ٢٠١٩ واژوو کریاگە و ناو هویچکامیان دیار نییە.  

وەرەو کەرکوک، ک دەیان لە راهێنانکەرەیل لە کۆمپانیای نەفت باکوور لەوەردەم بینای پارێزگای کەرکوک ناڕەزایی کردن، وەداوای دامەزراننیان لە کۆمپانیاگە هەکاتی ئەوەکان لە کۆمپانیایل نەفت لە بەسرە و زیقار.